اسلام آباد 05 ستمبر (اے پي پي) خزانې وفاقي وزير سينيټر محمد اورنګزيب سره د پاك چائنا انويسټمنټ كمپني لميټډ (پي سي آئي سي اېل) مشرانو ليدلي دي ٬ په دې موقع پاكستان كښې د چين سرمايه كارۍ ته په وده وركولو او په پاكستان كښې جوړو د چين فرمونو د مشتركه منصوبو او په برامدات زياتولو د خيالاتو څرګندونه شوې۔ په ملاقات كښې ګډون كوٶنكو كښې پي سي آئي سي اېل چيئرمېن سن بو، منيجنګ ډائريكټر حسن رضا، فنانس ډويژن او د پي سي آئي سي اېل سينئر چارواكي شامل وو۔ د خزانې وزارت لخوا د زيارت په ورځ د جاري اعلاميه له مخئ په دې موقع د خبرو په مهال د خزانې وزير ووئيل پي سي آئي سي اېل د پاكستان په اقتصادي پرمختګ كښې مهم شراكتدار دے۔ ده ووئيل د سي پېك په فېز ټو كښې به صنعتي ترقۍ، نمو او د كاروبار منتقلۍ ترجيحي څانګې وي۔ د ملاقات په مهال د اړوندو چارو احاطه كولو سره سره د شريكې خوښې په بېلا بېلو چارو هم د خيالاتو څرګندونه وشوه۔
