اسلام آباد 14 اکتوبر (اے پي پي) د پاکستان او چین وزيراعظمانو د بنیادی نوعیت په ټولو چارو د يو بل د ملاتړ پخلي كولو سره د سيمه ايزو او نړيوال اهمیت په چارو او په ګڼ اړخيزه فورمز نزدې مشاورت روان ساتلو له د عزم څرګندونه كړې دغسې دواړو لارښودو پاکستان كښې د چين سرمایه كاري زياتولو له په تګلاره هم د خيالاتو څرګندونه كړې۔د ګل په ورځ د وزیراعظم آفس میډیا ونګ د اړخه جاري شوې پرېس ریلیز له مخې وزیراعظم محمد شهبازشریف او د چین وزیراعظم لی چیانګ ترمينځه وزیراعظم هاؤس اسلام آباد كښې د پلاويو په كچه ملاقات وشو۔ دملاقات په مهال دواړو لارښودو د دوه اړخيزه اړيكو په ټولو اړخونو د خيالاتو څرګندونه وكړه او د شريكې خوښې په سيمه ايزو او نړيوالو چارو يې هم خبرې وكړې۔ دواړو لارښودو په دې خبره د اطمینان څرګندونه وكړه چې شريك باور او په شريكو اصولو اډانه پاك چین سټریټجکي کوآپریټو پارټنرشپ د وخت سره سره لا قوي كېږي۔دواړو لارښودو د بنیادی نوعیت په ټولو چارو د يو بل د مرستې پخلے وكړو او د چین پاکستان اقتصادي راهدارۍ (سی پیك) فیز 2 اعلیٰ معیار پرمختګ له يېس د عزم څرګندونه وكړه۔دوي د شريكې ګټې او پاکستان سماجي و اقتصادي پرمختګ لپاره صنعت، زراعت جدیدیت، انفارمېشن ټیکنالوجي ، سائنس او ټیکنالوجي پشمول د ټولو روانو پروژو په وخت د بشپړولو په حاجت زور راوړو۔دواړو لارښودو په دې خبره د اطمینان څرګندونه كولو سره ووئيل د سي پيك ترمخه مرسته يو نوي دور ته داخل شوې۔ وزیراعظم شهباز شریف پاکستان كښې د چين وګړو او منصوبو حفاظت باوري كولو لپاره د پاکستان د غیر متزلزل عزم باور وركړو۔ دواړو ډلو د اعلیٰ كچ رابطو روانو ساتلو ته اتفاق وكړو چې پكښې د دوه اړخيزه مرستې د ټولو څانګو قوي كول شامل دي۔ملاقات كښې د چین صنعت په پاکستان كښې ری لوکیشن په اړه خبرې اترې هم وشوې او پاکستان كښې د چين سرمایه كاري زياتولو په اړه په تګلاره هم د خيالاتو څرګندونه وشوه۔ملاقات كښې د دې خبري پخلے وشو چې پاکستان او چین به د سيمه ايزو او نړيوال اهمیت په مسئلو او ګڼ اړخيزه فورمز هم نزدې مشاورت روان ساتي۔
