اسلام آباد 25دسمبر(اے پی پی)صدر مملكت آصف علي زرداري د كرسمس خوشحالۍ په موقع د پاكستان او ټولې نړۍ مسيحي ورورولۍ له مباركي وركولو سره وئېلي دي چې كرسمس انسانيت لپاره يو آفاقي پیغام وركوي او كرسمس د ټولو مذهبونو منونكو ته د مينې٬سخاوت٬رحم٬اتحاد او د اميد ترغيب وركوي٬ د كرسمس ورځ د حضرت عيسٰی (ع)د ولادت په ياد كښې لمانځلې كېږي٬ د هغه مينه٬همدردي او د امن پیغام نن هم زمونږ ډاډګيرنه او لارښودنه كوي۔ دا آفاقي پیغام مونږ له د يوې سولييزې ټولنې جوړولو لپاره د كار كولو ترغيب راكوي۔د ايوان صدر پرېس ونګ له مخې صدر مملكت آصف علي زرداري په خپل پیغام كښې ووئيل د پاكستان آئين ټولو وګړو له د هغوي د مذهبونو ترمخه د بنيادي حقونو ضمانت وركوي او هغوي له د عبادت كولو او د خپلو عقيدو له مخې د ژوند كولو آزادي وركوي۔قائداعظم محمد علي جناح د يو داسې پاكستان تصور وركړې چرته چې د ټولو مذهبونو وګړي د برابرۍ په بنياد پرمختګ وكړي۔قامي يو والي او پرمختګ لپاره د ټولو وګړو د حقونو خيال ساتلو ته اړتيا ده۔په ننۍ ورځ مونږ د پاكستان په پرمختګ كښې د مسيحي ورورولۍ د كردار هم اعتراف كوو٬هغوي د تعليم او صحت٬كميونټي سروس او د اولسي خذمات په څانګو كښې په زړه پورې خذمات ترسره كړي۔د مسيحي ورورولۍ كردار زمونږ د قوم د متنوع پن ثبوت دے او دا د پاكستانيانو لپاره د فخر خبره ده۔ده ووئيل راځۍ چې مونږ د مذهبي همغږۍ٬شريك احترام او د اقليتونو د حقونو تحفظ لپاره د خپل لوظ پخلې وكړو۔مونږ له به د عدم برداشت او امتيازي سلوك حوصله شكني كول وي او دا خبره به باوري كول وي چې په پاكستان كښې به د هر وګړي عزت او احترام كولے شي۔ د كرسمس تهوار مونږ له درس راكوي چې د يو بل ملګرتيا وكړؤ۔ راځۍ چې هم دغې جذبې سره په امن٬انصاف٬او همدردۍ اډانه ټولنه جوړولو لپاره په ګډه كار وكړؤ۔
