اسلام آباد۔4 نومبر(اے پی پی)د اطلاعاتو او خپرونو وفاقي وزير مرتضي سولنګي د ميانوالي په ټرېننګ ايئر بېس د ترهه ګرۍ بريد په شا تمبوؤنكو زړورو سرتېرو ته د درناوي مراتب وړاندې كولو سره وئيلي دي چې امنيتي ځواكونو په وخت اقدام كولو سره ترهګر په خپلو ناپاكه ارادو كښې ناكامۍ سره مخ كړل٬ بريد ناكامه كوؤنكي د امنيتي ځواكونو ځوانان د قام اتلان دي٬ د دوئي مړانې ته سلام وړاندې كوؤ۔ د خالي په ورځ په خپل بيان كښې نګران وفاقي وزير ووئيل ترهګر كه هر څومره خپلې نامې بدلې كړي قام او مېړني ځواكونه يۍ نه يوازې دا چې پېژني بلكې د دوئي ناوړه مقاصد به لكه د مخكښې په شان ناكامه كړي۔ ده ووئيل د ترهګرۍ په ضد جنګ كښې ټول قام د امنيتي ځواكونو ترڅنګ ولاړ دے۔
