اسلام آباد۔15اکتوبر (اے پی پی) نګران وزيراعظم انوارالحق كاكړ د حكومت لخوا د پنبې د ټاكلې نرخ نه په كم د اخستو نوټس اخستلو سره ټرېډنګ كارپورېشن آف پاكستان څخه په سمدستي توګه رپورټ غوښتے دے۔ د وزيراعظم آفس ميډيا ونګ لخوا د جاري شوي بيان له مخې نګران وزيراعظم ووئيل حکومت د کروندګرو د ملاتړ لپاره د پنبې لږ تر لږه بيه ټاکلې وه خو ليدل کيږي چې په ځينو ځايونو کښې پنبه دې څخه هم په زياته ټيټه بيه اخيستل کيږي۔ ده ووئيل په هېواد كښې د پنبې ښه فصل كېدل خوشبين دي خو د دې ټوله ګټه بايد كرونده ګرو ته ورسولې شي۔ وزيراعظم ټرېډ کارپورېشن آف پاكستان ته د نوټس اختسلو او په سمدستي توګه د رپور وړاندې كولو هدايت وكړو۔
