اسلام آباد۔17دسمبر(اے پی پی) د ترکیه حكومت د كلتوري مرستې او رابطې وزارت ذېلي ادارې “ټیکا” پخپلو وسائلو جوړ كړے میوزیم ریډیو پاکستان ته سپارلے دے ۔ د نهې په ورځ د جاري شوي پرېس ريليز له مخې په راروانو څو ورځو كښې به دا ميوزيم په باقاعده توګه اولس لپاره پرانستلې شي۔ ”پاک ترکیه دوستی ریډیو میوزیم” يو ځانګړے ميوزيم دے كوم چې ټيكا پخپلو وسائلو جوړ كړے او د دې په جوړولو كښې د سلجوق دور تعميراتي ډيزائن كارولې شوے۔ د ترکیه د ټيكا ادارې مشر دُرسن علی نن په پاكستان كښې د ټيكا استازي محسن بالجي سره د دې ميوزيم باقاعده كنټرول د رېډيو پاكستان ډي جي سعید احمد شېخ ته وسپارلو۔ په دې ميوزيم كښې نندارتون لپاره د كېښودونكو څيزونو ټاكنې له يوه كمېټي جوړه كړې شوې ۔ د ریډیو پاکستان ډي جي له مخې په راروانو لسو ورځو كښې به په دې ميوزيم كښې نندارتون لپاره د اېښودونكو څيزونو تعین بشپړ كړے شي۔ دې څخه وروستو به د اطلاعات او خپرونو وفاقي وزير عطاء تارړ او سېكرټري محترمه عنبرین جان اولس لپاره د دې ميوزيم باقاعده پرانسته وكړي
