اسلام آباد۔19جنوری (اے پی پی):گزریل چووی گھنٹے اچ کورونا وائرس پاروں پنجاب دے بعد سندھ اچ ساریں توں ودھ لوکاں دی موت تھئی ۔ پورے ملک اچ چووی گھنٹے اچ کورونا وائرس توں 58 لوکاں دی موت تھی ڳئی اے جیں اچوں 37 وینٹیلیٹرز تے موجود مریضاں دیاں تھئن ۔نیشنل کمانڈ اینڈ آپریشن سینٹر دی طرفوں جاری اعداد و شمار موجب گزریل چووی گھنٹے اچ پورے ملک اچ 1 ہزار 800 لوکاں دے کووڈ۔ 19 ٹیسٹ مثبت آئے اتے 58 وائرس توں جاں بحق تھی ڳئن ۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال ملتان اچ 49 فیصد،لاہور اچ 38 فیصد،اسلام آباد اچ 32 فیصد اتے پشاور اچ 31 فیصد مریض ہن ۔گزریل 24 گھنٹے وچ کووڈ۔19 دے 36 ہزار 513 ٹیسٹ کیتے ڳئن جیں اچوں سندھ اچ 10 ہزار 600، پنجاب اچ 13 ہزار 151، خیبرپختونخوا اچ 6 ہزار 75،اسلام آباد اچ 5 ہزار 826، بلوچستان اچ 259،گلگت بلتستان اچ 350، آزاد کشمیر اچ 252 ٹیسٹ شامل ہن ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 4 لکھ 76 ہزار 471 تھی ڳی اے ۔
