پېنډي 22 دسمبر (اے پي پي) صدر ډاکټر عارف علوي په اولس كښې د رنځونو څخه بچ كېدو لپاره په احتياط آډانه رويو زياتولو په ضرورت زور رواړلو سره وئيلي دي د اېنټي بائيوټك داروګانو د غېر ضروري كارولو كلتور بدلول پكار دي ۔ د شورو په ورځ راولپنډۍ ميډيکل يونيورسټي كښې انټرنيشنل کنفرنس ته خپلې وېنا كښې ده ووئيل هېپاټائټس غوندې رنځونه كوم چې د غېر ذمه واره رويو له امله خپرېږي په احتياط كولو په دې قابو موندل پكار دي ٬ د يوې اندازې له مخې پاکستان كښې 9 فيصده آبادي په هيپاټائټس اخته ده۔ ده ووئيل په مصر كښې حكومت د هېپاټائيټس رنځورانو په درملنه درې بليونه ډالره خرڅ كړي٬ پاكستان له به د داسې رنځورانو خپرېدو لاره نيولو لپاره نور اقدامات كول وي۔ صدر ووئيل اولس ته د اېنټي بائيوټکس د استعمال ناوړه اثرات پحقله وئيلو او د دې كلتور بدلولو ته اړتيا ده۔ صدر ډاکټر عارف علوي د كرونا وباء په مهال د رنځورانو په درملنه كښې د طبي عملې د مرستې ستائنه وكړه۔ ده ووئيل نړۍ كښې په يو شمېر ځايونو كښې دا مهال بوسټر ډوز وركړے كېږي خو اوس هم داسې ځايونه شته چې هلته اولس ته د واكسين وړومبے خوراك نه دې وركړے شوے ٬ په دې لړ كښې نړۍ له نور كار پكار ٶ او د صحت نړيوالې ادارې دا خاص مسئله پورته كړې ۔ صدر مملکت ډاکټر علوي ووئيل ډاكټران دې هر رنځ ته د درملنې كولو په ځائ اولس ته د احتياط كولو مشوره وركړي۔ ده ووئيل نړيوالې ورورولۍ د غذائي كمي په ضد په هلو ځلو كښې د پاكستان مرسته كړې او حكومت د احساس پروګرام له مخې د غذائي كمي كمولو لپاره ګامونه اخستي او اولس ته ئې كوچنيانو لپاره د نغدې مرستې پشمول مراعات وركړي۔ ده ووئيل ډاكټرانو له د غذآئي كمي او غټوالي په ضد د كمپائن مشري پكار ده ۔ صدر ډاکټر عارف علوي ووئېل پاکستان كښې ښه ډاكټران پېدا كېږي كومو له چې د صحت سهولتونه زياتولو لپاره ټولې آبادۍ ته رسېدل پكار دي۔ ده اولس ته د هېلت انشورنس كارډ په اجراء د حكومت ستائنه وكره د كومې د لارې چې به د بېلا بېلو رنځونو وېړيا درملنه كېدې شي۔ ده ووئيل پاكستان د آبادۍ زياتوالي مسئلې سره مخ دے٬ مونږ له په دې لړ كښې د اوږدې مودې طريقو پلو تلل پكار دي۔ صدر مملكت زده كوٶنكو ته په معياري تعليم وركولو د راوپېنډۍ ميډيكل يونيورسټۍ د خدمات ستائنه وكړه
