بیجنګ۔5فروری(اے پی پی) د اطلاعاتو او خپرونو وفاقي وزير چوهدري فواد حسېن وئيلي دي نن په لاهور كښې جرائم پېشه كسانو يو بل سره د يووالي څرګندونه وكړه٬ كله چې د دوئي په مقدمو كښې كوم پېشرفت رامخې ته شي نو دا ټول غله يو ځائې شي۔ د دې خيالاتو څرګندونه ده د خالي په ورڅ خبري كنفرنس ته خطاب كښې وكړه۔ وفاقی وزیر د وزيراعظم عمران خان د چين دورې په اړه ووئيل وزیراعظم عمران خان نن په چين كښې يوه مصروفه ورځ تېره كړه۔ وزراعظم د صدر شی جن پنګ لخوا د بېلو مشرانو په درناوي كښې وركړې شوې د مېلمستيا دستوره كښې ګډون وكړو۔ وروستو بيا وزيراعظم عمران خان سره د خپل پلاوي د چين خپل همڅنګ سره ملاقات وكړو۔ وزيراعظم د ازبكستان صدر شوكت مرزايوف سره هم ملاقات وكړو۔ په دې درې واړو ملاقاتونو كښې په نړيوالو چارو خبرې وشوې۔ د چين او ازبكستان صدرانو سره په كشمير او افغانستان زياته خبره وشوه۔ چين يو وارې بيا باور راكړو چې هغه د كشمير په مسئله پاكستان سره ولاړ دے ٬ دغسې وزيراعظم چين ته د تائیوان او هانګ كانګ په ډول مسئلو كښې د خپل اړخه د ملاتړ باور وركړو۔ وفاقی وزیر ووئيل چین په معاشي او امنيتي چارو كښې ټول عمري د پاكستان مرسته كړې ده ٬ د وزيراعظم چين دورې سره به پاكستان چين ملګرتيا لا پراخا شي۔ هغه ووئيل سبا به د وزيراعظم عمران خان د چين صدر سره ملاقات وي په كوم كښې به چې د كشمير او افغانستان په شمول په مهمو چارو هم خبره كولې شي۔ دې نه وروستو به وزيراعظم عمران خان پاكستان ته راروانېږي۔ د آصف علي زرداري ٬ بلاول بھټو زرداري او شهباز شريف ملاقاتو په اړه خپلو خبرو كښې د اطلاعاتو وزير ووئيل شهباز شریف خو خپله د آصف علي زردار خېټه شلولو سره آصف علي زرداري څخه د قوم لوټ كړې شوې پېسې بهر راويستلې وې او آصف علي زرداري په خپله د شهباز شريف كور ته تلې دې۔ كوم خلق چې عزت نفس نه لري هغه هم دغسې وي۔ وفاقي وزير ووئيل مونږ د اولې ورځې نه دا وايؤ چې دا خلق د يو بل نه لرې نه دي د عمران خان په دښمنمۍ مكښې ټول يو موټي دي۔ په يو داسې وخت كښې چې كله اولس كشميريانو سره د يو والي څرګندونه كوي مونږ اوكتل ټولو كريمينلز يو بل سره د يو والي خرګندونه وكړه او په ماډل ټاؤن كښې يوځائې شول۔ هغه ووئيل عمران خان تر ټولو مقبول لارښود دے ، يوازې تحريك انصاف د وفاق حكومت دې۔ د پي ټي آئي نه سوا نورې ټول ګوندونه سيمه ايز دي۔ وفاقي وزير ووئيل وزيراعظم عمران خان د خارجه پالېسۍ محاذ سنبھال كړې دې۔ كه د پاكستان معيشت دې ٬ كه خارجه پالېسي يا داخله پالېسي ٬ پاكستان په ټولو پالېسيو كښی مخ په وړاندې روان دې۔ هغه وويل عمران خان چې د نيا پاكستان كوم خوب ليدلې دې هغه به ضرور ترسره شي۔
