اسلام آباد 03 اګست (اے پي پي) د رېلوے وفاقي وزير خواجه سعد رفيق وئيلي دي نور شوكمار٬ غله او كرپټ يادونكے عمران خان پخپله لوي غل او شوكمار رامخې ته شوے٬ په الېكشن كمېشن فشار راوړونكے ٬ د فارن اكاٶنټس كېس پرېكړه ايسارونكے جعلي صادق او امين په ګرده نړۍ كښې بې نقابه شوے۔ د شورو په ورځ د پارلمان نه بهر ميډيا سره په خبرو كښې ده ووئيل مونږ هېواد بچ كولو لپاره حكومت له راغلي يو او د جمهوري لارې مو عدم اعتماد وړاندې كړے٬ كه مونږ غوښتل نو د حكومت نه په ډډه كېدے هم شو٬ خو هېواد به ديواليه شوے ٶ٬ عمران نيازي د غېر ملكيانو اېجنډې له مخې د هېواد معيشت تباه كړے۔ ده ووئيل پاكستان بربادولو لپاره عمران فارن فنډز اخستے او سياسي مقاصدو لپاره ئې استعمال كړے۔ د يوې پوښتنې په ځواب ده ووئيل عمران خان لپاره جلا قانون نه دے ٬ ھغه غلط بيان حلفي جمع كړے او د 13 نه د زياتو كهاتو نه څرګندولو خيانت ئې كرے ٬ كه عمران خان او تحريك انصاف په هېواد كښې د اړي ګړي خپرولو هڅې وكړې نو قانون به په حركت كښې راشي۔ د يوې پوښتنې په ځواب ده ووئيل اتحادي حكومت د هېواد معيشت پشمول د نورو چارو بهترۍ لپاره په متفقه هلو ځلو باور لري
