اسلام آباد 14 اګست (اے پي پي) د خوږ وطن د آزادې د ډائمنډ جوبلي په موقع خارجه وزارت هېواد ته د موسيقۍ د لارې پېرزوينه وړاندې كړه. د خارجه وزارت افسرانو د كليم عثماني ليكلې او د مهدي حسن لخوا زمزمه شوې مشهوره ملي نغمه ” يه وطن تمهارا هے” بېرته ريكارډ كړې. په دې ملي نغمه كښې د پاكستان ځوانانو لپاره يو طاقتور پېغام دے چې دوي دې د خپل شناخت قدر وكړي او دا دې ياد وساتي چې د دوي محنت او عزم به دا هېواد مخ په وړاندې بوځي. د خارجه وزارت لخوا په جاري شوي بيان كښې وئيلي شوي دي چې د خارجه وزارت افسران د پاكستان د دفاع د وړومبي صف په توګه خپله وظفيه په ښه ډول ترسره كوي. دا ملي نغمه د پاكستان ټيلي ويژن، رېډيو پاكستان او د نامتو سندرغاړي او موسيقار اوېس نيازي په مرسته ريكارډ كړې شوې
