کوئټه 21 اګست (اے پي پي) پاك پوځ او فرنټيئر کور د بلوچستان سول انتظاميې سره په ګډه بلوچستان كښې په سېلاب ځپلې سيمو كښې د ريليف او رېسكيو عمليات كوي٬ د تېرو 24 ساعتونو په مهال کوئټه، قلات، خضدار لسبيله، کوهلو، سوئي، نصير آباد، حب، اوتھل او د بلوچستان په نورو سيمو كښې د تېز باران له امله كوزې سيمو كښې اوبه راغلے دي۔ د آئي اېس پي آر لخوا د جاري بيان له مخې د پوځ سرلښكر په خاص امر پاك پوځ او فرنټيئر کور د بلوچستان سول انتظاميې سره په ګډه بلوچستان كښې په سېلاب ځپلې سيمو كښې د ريليف او رېسكيو عمليات جاري ساتلے دي۔ د ډېره مراد جمالي په ماني شهيدياں او خوا اوشا سيمه كښې په پټ فېډر کينال ته درې ځايه رسېدلې زيان د اوبه خور څانګې او د پاك پوځ د هلو ځلو د لارې بيا رغونه بشپړه كړې ده٬ د 60 نه زياتې كورنۍ بچ كړے شوې دي او په جھل مګسي، خضدار او نصير آباد ضلعو ريليف كمپ ته دغه كورنۍ منتقل كړې شوې دي چې ورته خوراك٬ خېمے اور راشن وركولې كېږي۔ د پاك پوځ او اېف سي لخوا په ځپلي سيمو كښې فري مېډيكل كېمپ لګولې شوې دي چې پكښې دوي ته مفت درملنه او داروګان وركولې كېږي۔ پاك پوځ او اېف سي د سېلاب ځپليو رېسكيو او ريليف لپاره ټول ترلاسه وسائل كارولو سره د سول انتظاميې بشپړه مرسته كوي۔
