اسلام آباد 22 اګست (اے پي پي)د منصوبه بندۍ او پرمختګ وفاقي وزير احسن اقبال وئېلي دي بلوچستان او سندھ كښې د بارانونو او سېلاب له امله هنګامي صورتحال سره مخ يو٬ د سېلاب ځپليو بحالۍ لپاره لائحه عمل جوړ كړے شوے٬ځپليو كورنيو ته د كورنۍ په سر 25 زره روپۍ او د حق رسېدليو كسانو كورنيو ته لس لكه روپۍ وركولې شي٬وفاق د سېلاب ځپليو مرستې لپاره د صوبائي حكومتونو بشپړه مرسته كوي٬اېن ډي اېم اے په سټاك كښې موجودې ټولې خيمې صوبو ته وركړې دي۔ده دا خبرې د ګل په ورځ خبري كنفرنس ته د وېنا كولو په مهال وكړې۔ده ووئيل په بلوچستان او سندھ كښې د طوفاني بارانونو لړۍ روانه ده۔په بلوچستان او سندھ كښې بېړنې صورتحال راپېدا شوے٬د سېلاب په وجه ولاړ فصلونه تباه شوي او په لويه شمېره څاروي مړه شوي۔ځپلې خلق محفوظ ځايونو ته منتقل كولې شي۔احسن اقبال ووئيل په سېلاب كښې د 800 نه زيات خلق په حق رسېدلي او د 1500 نه زيات ژوبل شوي۔اېن ډي اېم اے په بېړنۍ غونډه كښې د سېلاب ځپليو بحالۍ لپاره لائحه عمل جوړ كړے۔وفاقي وزير ووئيل ځپليو ته د خوراك څښاك او د ضرورت نور څيزونه هم وركړے كېږي٬شتمند خلق دې هم د ځپليو وروڼو خوئېندو مرسته وكړي۔اولس دې په پرائم منسټر رېليف فنډ كښې هم برخه واچوي۔ده ووئيل د سېلاب نه پس به د انفراسټركچر د بحالۍ كار پیل كولې شي او د سېلاب د زيان اندازه لګولو لپاره به سروے كولې شي۔
