پېښور 03 ستمبر (اے پي پي) د خېبرپښتونخوا وزيراعلي محمود خان وئيلي دي چې صوبائي حكومت اوسني بارانونو او سيلاب له امله ځپلې شوي ضلعو كښې د وكړو بحالۍ لپاره پكار فنډز په ترجيحي بنيادونووركوي د دې حتمي مقصد كم وخت كښې زيات وګړي بحالول دي او هغوي له ريليف وركول دي۔ده ووئيل اوسنيو كښې صوبائي كابينې ريليف هلو ځلو لپاره دوه نيم اربه روپۍ اضافي فنډز وركولو منظوري وركړې ده او كه حاجت پېښ شو نو نور فنډز به هم وركولې شي۔ دا مهال د شوې زيان اندازه لګولې كېږي چې له مخې به ئې د فنډز وركول باوري كولې شي۔ وزيراعلي ووئيل وړومبي پړاؤ كښې ځپليو له ريليف وركړې شوې دغسې په دويم پړاؤ كښې به د هغوي د بحالۍ كار كولې شي او صوبائي حكومت به تر آخري تن بحاليدو په آرام سره نه كېښني۔د خالي په ورځ وزير اعلي سيكرټريټ د اړڅه جاري شوې يو بيان كښې وزيراعلي محمود خان ووئيل د صوبې سيلاب ځپليو ضلعو كښې د ريليف هلوځلو لپاره نافذ ايمرجنسي كښې تر 30 ستمبر پراختيا شوې دغسې چې ځپليو له زيات ريليف وركړې شي۔
