اسلام آباد – 21 آڪٽوبر (اي پي پي) صدر ممنون حسين 22 کان 25 آڪٽوبر تائين قطر جو دورو ڪندو، هو قطر جي امير ۽ ٻين شخصيتن سان ملاقاتون ڪندو جنهن ۾ ٻنهي طرفن کان گڏيل لاڳاپن جي اهم رخن جو جائزو ورتو ويندو، جڏهن ته علائقائي معاملن ۽ عالمي اڳڀرائي تي به ڳالهه ٻولهه ٿيندي. پرڏيهي آفيس طرفان جاري بيان موجب پاڪستان ۽ قطر جي وچ ۾ سمورن شعبن ۾ شاندار لاڳاپا هموار آهن، ٻئي ملڪ علائقائي ۽ بين الاقوامي معاملن تي هڪجهڙو موقف رکن ٿا ۽ گڏيل قومن ۽ او آءِ سي جهڙن عالمي فورمز تي هڪٻئي جي حمايت ڪن ٿا.
