كوټلي 05 فروري(اے پي پي) وزيراعظم عمران خان د هند وزيراعظم نريندرمودي ته يو ځل بيا د مذاكراتو د لارې د كشمير د مسئلې د حل كولو بلنه وركړې او وئېلې يې دي چې د مذاكراتو دعوت دې زمونږ كمزورې ونھ ګڼلې شي٬كشميريانو ته دې د خپلواكۍ حق وركړې شي۔د جمعې پھ ورځ په آزاد كشمير كوټلي كښې د كشمير يو والي ورځې په موقع غونډې ته په خپله وېنا كښې وزيراعظم عمران خان ووئيل چې زما د راتګ مقصد نړۍ ته دا پیغام وركول وو چې نړۍ پھ كال 1948 كښې د ملګرو ملتونو د قراردادونو له مخې د خپل سباؤن د پريكړې حق كشميريانو ته وركړی وو٬نړۍ ته وريادولو لپاره راغلې يم چې هغه دې كشميريانو ته د ملګرو ملتونو د قراردادونو له مخې د خپلواكۍ حق وركړي۔ملګرو ملتونو په ختيز تيمور چرته چې عيسايان پھ اكثريت كښې وو٬دوي ته په سمدستي توګه د ريفرنډم د لارې آزادي وركړه۔ملګرو ملتونو ته دا وريادول غواړم او په عمومي اسمبلۍ كښې مې هم ورياده كړی وه او تل به دا ورياده كړم چې دوي د كشمير په اړه خپل لوظ نه دې پوره كړی۔وزيراعظم ووئيل چې كشميريانو ته دا پیغام دې چې كله دوي د خپلواكۍ حق ترلاسه كړي او د خپل سباؤن پريكړه كوي نو دوي به د پاكستان په حق كښې پريكړه كوي۔پاكستان به دوي ته پوره حق وركوي٬چې دوي آزاد پاتې كېدل غواړي يا د پاكستان برخه جوړیدل غواړي۔وزيراعظم ووئيل چې دلته د مقبوضه كشمير اولس ته دا پیغام وركولو لپاره راغلې يم چې نن ټول پاكستان تاسو سره ولاړ دې۔اسلامي نړۍ تاسو سره ولاړه ده٬كه مسلمانان حكومتونه په كومه وجه ملاتړ نه كوي خو د هغه ځاې اولسونه كشميريانو سره ولاړ دي۔ده ووئيل چې انصاف خوښونكي غېر مسلم هم دا ګڼي چې بايد كشميريان حق ترلاسه كړي٬د كومو چې دوي سره ملګرو ملتونو لوظ كړی دې۔ده ووئيل چې د كشميري مائيندو د دې تكليف احساس لرم چې كله د دوي بچي بې دركه شي كله شهيد كړی شي او كله ورته د ګرفتارۍ اطلاع وركړې شي٬مونږ احساس لرو چې كشميريان د كوم ډول ظالم مقابله كوي او د هغه په وړاندې ولاړ دي۔وزيراعظم كشميريانو ته باور وركړو چې هغه به په هر فورم دوي لپاره غږ پورته كوي۔د ملګرو ملتونو٬نړيوالو مشرانو او د مېډيا پشمول هر ځاې مو دوي لپاره غږ پورته كړی۔د امريكې پخواني صدر سره مو درې ځله د كشمير مسئلې حل كولو لپاره خبرې كړیدي۔وزيراعظم ووئيل چې تر څو چې كشمير نه وي آزاد شوې هر ځاې به د كشمير سفير جوړېږي۔وزيراعظم ووئيل چې كله زمونږ حكومت راغلو نو مونږ پوره هڅه وكړه چې هند سره دوستي وكړو او باور مو وركړو چې د كشمير مسئله به د دوي په ظلم حل نه شي٬د نړۍ تاريخ ښائي چې چرته هم كوم قوم پاڅي نو د لويې نه لويې پوځ هم ناكام شي۔امريكا سره د دې چې سپر پاور وه په وېتنام كښې بريالې نه شوه٬ 30 لكه قربانۍ وركولو سره وېتنام آزاد شو٬په افغانستان كښې هم سپر پاور كاميابي ترلاسه نه كړې شوه٬په الجېريا كښې فرانس سره د ظلم كامياب نه شو٬كه هندوستان كشمير ته نور پوځ هم راولي خو كشميريانو د غلامۍ نه قبلولو عزم كړی۔دلته په پیدا كېدونكو ماشومانو كښې هم د آزادۍ جذبه ده٬يو لك كشميريانو د خپلو ځانونو قربانۍ وركړي٬هند پھ كشمير كښې كله هم نشي كاميابه كېدې٬وزيراعظم د هند وزيراعظم ته بلنه وركړه چې راشۍ مونږ سره په ګډه د كشمير شخړه حل كړئ٬د 5 اګست 2019 اقدام بېرته واخلۍ او كشميريانو ته د ملګرو ملتونو د قراردادونو له مخې د دوي حق وركړئ٬بيا مونږ هند سره خبرو ته تيار يو۔وزيراعظم واضحه كړه چې زمونږ د خبرو دعوت دې زمونږ كمزورې ونه ګڼلې شي٬كله څنګه چې دوي زمونږ د دوستۍ هڅه ګڼلې٬پاكستان د لااله په بنياد جوړ شوې او مونږ د لوے څښتن نه سوا د بل چا په وړاندې سر نه اږدو٬مونږ د چا يره نه لرو٬د لوے څښتن غلامي كونكې د بل چا غلامي نشي كولې٬مونږ د كشميريانو حق غواړو٬مونږ غواړو چې دوي هم خپل ژوند جمهوري او بشري حقونو څخه تېر كړي٬ټول پاكستان دوي سره ولاړ دې۔وزيراعظم ووئيل چې هغه هر ډول سوچ ا و نظريې سره خبرو لپاره تيار دې خو لويو لويو ډاكوانو ته به اېن آر او ورنه كړو٬دا نه شي كېدې چې طاقتور لپاره بېل او كمزوري لپاره بېل قانون وي٬كه دې غلو ته لانګ مارچ كول وي نو مارچ دې وكړي٬د دوي مرسته به وكړم كه دوي سرچپه هم راځوړند شي نو بيا به هم اېن آر او ورنه كړم۔پھ دې موقع خارجه وزير شاه محمود قرېشي د كشمير چارو وفاقي وزير علي امين ګنډا پور او د كشمير پارليماني كمېټۍ چيئرمېن شهريار خان آفريدي هم موجود وو
