اسلام آباد 12 اکتوبر (اے پي پي) پاکستان به په 15 او 16 اکتوبر اسلام آباد كښې د شنګھائي مرستي تنظيم کونسل آف هيډ آف ګورنمنټ (سي ايچ جي) 23مي غونډي كوربتوب كوي۔د خالي په ورځ د خارجه دفتر د اړخه جاري شوې بيان كښې وئيلي شوې چې کونسل آف هيډ آف ګورنمنټ (سي ايج جي) اوسني چئيرمېن په حيث وزيراعظم محمد شهبازشريف به د غونډي مشري كوي۔په غونډه كښې به د چين، روس، بيلاروس،قزاخستان،تاجکستان،کرغيزستان او ازبکستان وزيراعظمان د خپلو خپلو هېوادونو نمائندګي کوي۔ د ايران نائب صدر اول،د هند خارجه وزير به هم په غونډه كښې ګډون كوي۔د منګوليا وزيراعظم به د مبصر په حيث د سټيټ او ترکمانستان کابينې ډپټي چيئرمېن او خارجه وزير به په غونډه كښې د خصوصي ميلمنو په حيث ګډون كوي۔د غونډي په مهال به وزيراعظم شهباز شريف د بيلو هېوادونو مشرانو او پلاويو سره دوه اړخيزه ملاقاتونه كوي۔په غونډه كښې به د غړو هېوادونو ترمينځه په اقتصادي، تجارتي، ماحولياتي،سماجي ثقافتي اړيكو د خيالاتو څرګندونه كولې شي۔په غونډه كښې به د تنظيم په کارکردګۍ هم غور كولې شي۔اېس سي او غړو هېوادونو ترمينځه اړيكو لا قوي كولو په اړه به مهمي پريكړي هم كولې شي دغسې د تنظيم د بجټ منظوري به هم وركولې شي۔
