لاهور 08 دسمبر (اے پي پي) د اطلاعات او خپرونو وفاقی وزیر عطا الله تارړ ووئيل د بانی پي ټي آئي اوس څه سباؤن نشته،د اقلیتی ورورولۍ د حقونو تحفظ ته پام لرنه كوو،د هېواد معیشت په سم پلو روان دے،د سول نافرمانۍ تحریك به هم ناکامه شي۔د دې خيالاتو څرګندونه ده د اتوار په ورځ بهار کالونی چرچ ګراؤنډ كښې د کرسمس کیك كټ كولو دستوري ته وينا او ميډيا سره خبرو اترو كښې وكړه۔ وفاقی وزیر ووئيل د پي ټي آئي په اسلام آ باد د بريد منصوبه ناکامه شوي،د بانی پي ټي آئي او د هغه د ګوندج اوس څه سباؤن نشته۔ده ووئيل د پي ټي آئي د اړخه په مړو سياست كېږي او د مړو د دروغو بيانيه جوړيږي،په مړو سياست كول د پي ټي آئي عادت دے،د اولسي مسئلو سره فتنه ګوند څه ت علق نه لري،هغوي عمر له د اړي ګړي سياست ته پام لرنه كړي او هېواد كښې ئې انتشار خپور كړې۔ وفاقی وزیر ووئيل بانی پي ټي آئي په اسلام آ باد كښې د دھرنے د ناکامۍ نه بس اوس هېواد كښې د سول نافرمانۍ تحریك چلولو دهړكه وركړي كومه به چې د تير وخت ډنډورو په شان فلاپ شي ځكه چې اولس اوس د هغوي د كركي او تشدد سیاست مسترد کړې۔عطا الله تارړ ووئيل پاکستان كښې مېشته ټول اقلیتیونه ته په بشپړه ډول مذهبی آ زادی ترلاسه ده او د هغوي د حقونو تحفظ ته مونږ پام لرنه كوو،مونږ د کرسمس په موقع مسیحی وروڼو له مباركي وركوو،د هغوي په خوشحالو كښې به برخه اخلو۔ده ووئيل د هغوي په هر غم او خوشالۍ كښې ولاړ يو،دې سيمه كښې به كرسمس ټري لګولې شي او زه به پخپله راتللو سره کرسمس ټری روښانه كوم،ستاسو په خوشحالو كښې به ګډون كوو،د پاکستان جوړآدو كښې اقلیتونو لوئ قربانۍ وركړې دي او د پاکستان په پرمختګ او سوكالۍ كښې مهم كردار لري۔ده ووئيل هارون ولیم پاك پوځ كښې پاتې كيدو سره د هېواد لپاره قرباني وركړي، سیسل چوهدری مرون مډل کوټ په شان وګړي د پاکستان نمائندګي كوي ، کرسچن کمیونټي د نړۍ ښه فائټر پائلټ پیدا کړې،دغسې مونږ له به د هېواد پرمختګ لپاره كردار ترسره كول وي،د اقلیتونو د تحفظ غږ به تر آخري وخت پورته كوو۔ ده ووئيل د پاك پوځ ملګرتيا د امن ملګرتيا ده ،د تشدد ، انتشار او تقسیم څخه به انکار کول وي،هېواد كښې د تشدد او انتشار هيڅ ګنجائش نشته۔ عطا الله تارړ ووئيل د وزیراعظم محمد شهباز شریف په مشرۍ كښې حکومت د مثبت پالیسیوں په وجه معيشت په سم پلو روان دے او د هېواد د زرمبادله پانګي زياتيږي،د ګرانۍ شرح 4 فیصده څخه هم كمه شوي،بهرني سرمايه كار پاکستان ته راځي چې ورسره به هېواد كښې بے روزګاري كمه شي او د هېواد ایکسپورټ به زيات شي۔ وفاقی وزیر ووئيل د سيمي اولس په ووټونو سره اېم این اے او وفاقی وزیر جوړ شوې يم ټول عمر به ستاسو سره ولاړ يم،چې هېواد وي نو زمونږ سياست او وزارت به وي،مونږ له به د هېواد خبره كول وي، زه چې كوم هم فورم ته ځم امريكا نه تر برتانيه او تر مينځني ختيز عمر له ما خپل تعارف چې كړې چې زه د كومي سيمي سره نعلق لرم هلته 70 زره عيسائيان مېشته دي۔ده ووئيل د اقلیتونو د حقونو د تحفظ خبره كول زما فرض دې د كوم هم ظلم ، تشدد او كركې په ضد غږ پورته كول خپل فرض ګڼم،هېواد پاکستان د لوے څښتن لوئ نعمت دے،د خپل مال او ځان حفاظت او پرمختګ كښې به مونږ ټولو له برخه اخستل وي۔عطا الله تارړ ووئيل د سول نافرمانۍ کال شرمناك دے،وګړي روزګار غواړي، ګیس او برېښنا غواړي، بانی پي ټي آئي چې څه هم وكړي د هغه څوك نه مني، هغوي انتشار کول غواړي، انتشار كولو اجازه به نه شي وركولې۔د يوې پوښتني په ځواب ده ووئيل لطیف کھوسه د 278 مړو خبره كړي د هغه د كور څخه دې مړي راپيدا كړي، بايد لطیف کھوسه اوس سياست نه بلکه آرام وكړي۔د يوې بلي پوښتني په ځواب ده ووئيل په نېشنل ایکشن پلان عمل كېږي ،د کے پي کے حکومت صوبه كښې امن و امان لپاره سنجیده نه ښكاري،د ترهه ګرغ په ضد جنګ كښې پاك پوح لوئ قربانۍ وركړي۔
