اسلام آباد 02 جنوري (اے پي پي) د قامي اسمبلۍ سپيكر سردار اياز صادق په مشرۍ كښې د حكومت او اپوزېشن مذاكراتي كمېټۍ دوهمه ان كيمره غونډه د زيارت په ورځ پارليمنټ هاؤس كښې وشوه۔په غونډه كښې نائب وزيراعظم سېنېټر اسحاق ډار٬د وزيراعظم صلاحكار رانا ثناﺀ الله٬سېنېټر عرفان صديقي٬د قامي اسمبلۍ پخواني سپيكر راجه پروېز اشرف او د قامي اسمبلۍ غړو سید نوید قمر ، ډاکټر فاروق ستار ، اعجاز الحق، خالد حسین مګسي ،وفاقی وزیر عبدالعلیم خان ،د اپوزیشن مشر عمر ایوب خان،د خیبر پختونخوا وزیر اعلیٰ علی امین ګنډاپور٬د قامي اسمبلۍ پخواني سپيكر اسد قیصر ، صاحبزادہ حامد رضا، راجه ناصر عباس او سلمان اکرم راجه ګډون وكړو ۔د قامي اسمبلۍ سپيكر سردار اياز صادق مذاكراتي كمېټۍ كښې د ګډون كوونكو هركلے وكړو۔ د مذاكراتي كمېټۍ دوهمې غونډې په موقع د قامي اسمبلۍ سپيكر سردار اياز صادق ووئيل نن زمونږ د مذاكرتي كمېټۍ دوهمه غونډه ده٬وړومبۍ غونډه كښې زمونږ ملګري موجود نه وو٬وړومبۍ غونډه ډېره ښه او خوشګوار ماحول كښې شوې وه۔وړومبۍ غونډه كښې په شوو چارو عملدرآمد شوے۔ده ووئيل زما كردار د يو سهولت كار دے٬هيله لرم چې مذاكرتي كمېټۍ كښې شريكې ډلې به خبرې اترې په مثبت ډول مخ په وړاندې بوځي٬هڅه كوم چې هېواد ته په پیښو مسئلو ترهه ګرۍ او د معيشت پشمول په نورو چارو هم په دې كمېټۍ كښې غور اوشي۔مونږ ټول پاكستانيان يو٬د پاكستان مسئلې حل كول زمونږ ذمه واري ده٬سردار اياز صادق ووئيل هېواد ته د پیښو مسئلو حل كولو لپاره به په ګډه كردار ترسره كول وي۔
