اسلام آباد۔7اپریل(اے پی پی) وفاقی وزیر موسمیاتی تبدیلی سینیٹر شیری رحمن آکھیے سندھ طاس معاہدے اچ ردوبدل ݙوہیں ملکاں پاکستان تے بھارت دی مرضی دے بغیر نی تھی سڳدا ،بھارت اندرلی سیاسی معاملات اچ فیدہ چاوݨ کیتے اے خط لکھیے ۔ عالمی بینک وی ݙوہیں فریقاں دی رضا مندی توں ثالثی کریسی ۔سینیٹ اجلاس اچ سینیٹر ڈاکٹر شہزاد وسیم دے بھارت دی طرفوں سندھ طاس کمیشن دے ذریعے بھیجے ڳئے نوٹس متعلق توجہ ݙیواؤ نوٹس تے اظہار خیال کریندے ہوئیں انہاں آکھیے سندھ طاس معاہدہ دے حوالہ نال پاکستان کوں 25جنوری کوں تشویشناک خط ملیے، ماضی اچ مختلف جھیڑیں دے باوجود ایجھا مبہم خط نی لکھیا ڳیا ایں معاملے تے وختی وزیراعظم کوں ݙسایا ڳئے ، متعلقہ ادارے ایں حوالے نال کم کریندے پئن ۔ بھارت مہم الزام لاتے جو پاکستان سندھ طاس معاہدے دی خلاف ورزی کیتی اے ۔ ماضی اچ جنگاں دے باوجود اے معاہدہ برقرار رہیا ۔ انہاں آکھیے بگلہار ڈیم اتے کشن گنگا ڈیم تے وی اعتراضات چاتے ہن ،رکلے پن بجلی منصوبے تے وی اساں اعتراض چاتے ۔ انہاں آکھیے بھارت اچ اڳلے سال انتخابات ہن جیں دے تناظر اچ بھارت جارحانہ بیان بازی کریندا پئے ۔ سندھ طاس معاہدے اچ ردوبدل ݙوہیں ملکاں پاکستان تے بھارت دی مرضی دے بغیر نی تھی سڳدا ۔ انہاں آکھیے بھارت اندرلے سیاسی معاملات اچ فیدہ چاوݨ کیتے اے خط لکھیے ۔ عالمی بینک وی ݙوہیں فریقاں دی رضا مندی نال ثالثی کریسی ۔ ویاناکمیشن دے تحت الزامات اتے ایں متعلق ثبوت پچھیے ویندن ایں بھارتی خط تے زیادہ پریشان تھیوݨ دی لوڑھ کائنی ۔ واٹر کمشنر ایں حوالے نال اقدامات کریندے پئن ۔
