اسلام آباد۔24اکتوبر(اے پی پی) وزیراعظم شهباز شریف وئيلي دي چې د ملګرو ملتونو د 79 مه كليزې ورځ مونږ ته د ملګرو ملتونو د چارتر د اصولو او مقاصد ترلاسه كولو عزم پخلي كولو موقعه راكوي٬ د ملګرو ملتوو د چارټر په منصفانه توګه عملي كول يو لوے چېلنج دے۔ د زيارت په ورځ د وزيراعظم آفس ميډيا ونګ لخوا په اېكس جاري كړې شوي يو پېغام كښې وزيراعظم ووئيل نن د ملګرو ملتونو د 79 مه كليزې ورځ مونږ ته د دغې نړيوالې ادارې د چارتر د اصولو او مقاصد ترلاسه كولو عزم پخلي كولو موقعه راكوي۔ ده ووئيل د ماحولياتي بدلونونو منفي اغېزې ٬ په جغرافيائي او سياسي شخړو كښې زياتوالې او د ګلوبل ساؤتھ مخ په زياتېدونكې اقتصادي ستونزې د نړيوال نظام لويې چېلنجونه په ګوته كوي۔ د ملګرو متلونو د چارټر په منصفانه توګه عملي كول هم يو لوے چېلنج دے۔ وزيراعظم ووئيل د ملګرو ملتونو خپلواكۍ سره د اړوندو قراردادونو باوجود د مقبوضه جمو وكشمير او فلسطين په څير شخړې تر دې دمه حل كولو ته اړتيا لري۔ تر كومې چې د ملګرو ملتوو د بنيادي دستاوېز دفعات له پام څخه غورځولې شي ستونزې به لا سوا كيږي۔ ده ووئيل د ملګرو ملتونو په دې ورځ مونږ د دې عزم پخلے كوو چې دا نړۍ ټولو لپاره يو غوره ځاے جوړولو له به ملګرو ملتونو سره په ګډه كار كوو چرته چې ټولو خلكو ته او په خاص توګه جائز او منلې شوې حقونو له هڅې كوؤنكو ته د هغوي حقونه وركړې شي۔
