اسلام آباد۔17دسمبر (اے پي پي ) د صنعت او پیداوار وفاقي وزير رانا تنویر حسین په مشرۍ كښې د فرټیلائزر ریویو کمیټی غونډه وشوه چې پكښې ربیع سیزن25-2024 په مهال د یوریا سرې د طلب او وركړې صورتحال په تفصیل سره جاج واغستلے شو ۔ د غونډې اعلامیه تر مخه روان سیزن كښې د یوریا غوښتنه كښې 16.4 فیصد د زياتوالے امکان دے ۔ ده په دې موقع كروندګرو له د سرې په ټاكلې بيعه وركړه باوري كولو لپاره د سمدستي ګامونو اغستو سپارښتنه وكړه ۔ رانا تنویر حسین ووئېل د پنجاب حکومت کسان کارډ پیکج د یوریا غوښتنه كښې زياتوالي له مهم کردار ادا کړے۔ ده اړوندو چارواكو ته امر وكړو چې د سرې پیداواري یونټس سمدستي د ټول صلاحیت سره وچلوئ ٬ دغسې چې په طلب او رسد كښې توازن برقرار وساتلے شي ۔ غونډه كښې د سرې د درآمد په اړه په مختلف وړاندېزونو او سفارشات هم غور وكړے شو دغسې چې كروندګرو له په وخت وركړه باوري كړې شي ۔رانا تنویر حسین واضحه كړه چې د سرې ذخیرہ اندوزي او ناجائزه ګټې كولو په خلاف به سخته کارروائي كولې شي ۔ ده ووئېل چا له به هم د كروندګرو د مفادات سره د لوبو كولو اجازه ورنه كړې شي۔
