شانګله 23دسمبر(اے پی پی)د كشمير او ګلګت بلتستان چارو وفاقي وزير او د خېبرپښتونخوا مسلم ليګ(ن)صدر امير مقام د ګل په ورځ د شانګله پاګوړۍ باغ سيمه كښې د شهيد كانسټيبل نثار علي خان كور ته لاړو۔ ده د شهيد په قبر د ګلونو څادر خپور كړو۔ وفاقي وزير د شهيد اهلكار لوړو درجو او ژوبل كسانو زر روغتيا له دعا وكړه۔وفاقي وزير په دې مهال غم جنې كورنۍ سره غمرازي ښكاره كولو سره هغوي له د مسلم ليګ)(ن) قائد ميا نواز شريف او وزيراعظم شهباز شريف د اړخه د يو والي پېغام وركړو۔ده د خپل اړخه د نغدې مالي مرستې اعلان هم وكړو او باور يې وركړو چې د شهيد كورنۍ به يوازې پرېښودلې نه شي ٬ د هغوي به هر ډول ممكن مرسته كولې شي۔انجينئر امير مقام د مركزي حكومت د اړخه د شهيد پیكج وركولو لوظ كولو سره ووئيل چې د شهيدانو قربانۍ به بې ضائع نه ځي۔ده ووئيل د ترهه ګرۍ ختمولو لپاره قام يو موټې دې او د خپلو ځواكونو سره اوږه په اوږه ولاړ دے۔دا خبره دې ياده وي چې په اوسنو كښې د ګنګر په چېك پوسټ د ترهه ګرو د بريد په مهال هيډ كانسټيبل نثار علي خان او اے اېس آئي حسن خان شهيدان شوي وو۔
