اسلام آباد 21 نومبر (اے پی پی) پاکستان وئيلي دي د ملګرو ملتونو سلامتی کونسل قراردادونو له مخې د جموں او کشمیرشخړې منصفانه او امناكه حل لپاره به د کشمیریانو سیاسی، سفارتي او اخلاقي مرسته روانه ساتلې شي۔د خارجه دفتر وياندي ممتاز زهره بلوچ د زيارت په ورځ پرېس بریفنګ كښې ووئيل د رواني اونۍ په مهال مونږ د ماشومانو نړيواله ورځ لمانځو،داسې كښې موڼږ د کشمیر د ماشومانو ناوړه حالت نه شو هيرولے كوم چې د هند په غیر قانونی تسلط لاندې جموں او کشمیر كښې د روانو ظلمونو په نتيجه كښې د يري ترهي ماحول كښې ژوند كوي۔ دي ووئيل په يوه داسې سيمه كښې چرته چې ګڼ شمير عسكر تعینات دي، د کشمیریانو ماشومان د لويو خطرو سره مخ دي۔وياندي ووئيل د هند غیر قانوني تسلط لاندې جموں او کشمیر كښې د هند كارروائیو په نتيجه كښې يو لاکھ څخه زيات ماشومان يتيمان شوي،بايد د هغوي خراب حالت ته نړيواله ورورولي پام لرنه وكړي۔دي ووئيل مونږ د نړيوالي ورورولۍ څخه غوښتنه كوو چې د کشمیریانو ماشومانو د حقونو لپاره غږ پورته كړي او د هغوي د ستونزو ختمولو غوښتنه وكړي۔
