اسلام آباد 27 نومبر (اے پي پي) د قامي اسمبلۍ سپيكر سردار اياز صادق د ماسكو سركاري دورې په مهال په كيتهيډر جماعت كښې د روس كونسل آف مفتييز نائب چيئرمېن پروفيسر دامير مختدينوف سره ملاقات كړے۔د قامي اسمبلۍ سپيكر اسلامي نړۍ او روس ترمينځه د ملګرتيا په اړيكو د اطمينان څرګندونه وكړه او د اسلاموفوبيا په ضد د روس اصولي موقف يې وستائېلو۔ده د ټولو مذهبونو مذهبي شخصياتو احترام په اړه د صدر پيوټن بيان هم وستائېلو۔د دې نه ځانله د قامي اسمبلۍ سپيكر په فلسطين كښې روان بربريت او په تشدد د افسوس څرګندونه وكړه۔دغسې د دواړو اړخه د فلسطيني اولس سره د يووالي څرګندونه وشوه۔دا خبره دې ياده وي چې د قامي اسمبلۍ سپيكر سردار اياز صادق په مشرۍ كښې پارليماني پلاوې د 27 نومبر نه تر 29 نومبر د ماسكو په سركاري دوره دے۔
