هری پور 07 دسمبر (اے پي پي) د ریاستی او سرحدی سيمو او کشمیر چارو وفاقي وزير انجینئر امیر مقام ووئيل امناكه، مستحکم او سوكاله افغانستان د پاکستان په ګټه دے،د پاکستان اولس او حكومت د ګڼ شمير افغان كډوالو په پاکستان كښې د پاتې كيدو په مهال هر ممكن مرسته كړي۔د دې خيالاتو څرګندونه ده د خالي په ورځ ملك عبدالصمد پنیان مهاجر کیمپ كښې افغان كډوالو ته وينا كښې وكړه چرته چې ده د هغوي لپاره د څښلو پاكو اوبو منصوبے پرانسته وكړه۔ د افغان كډوالو کمشنر شکیل صافی، افغان کمیونټی نمائندګان او یونیسیف چاروكاي هم په دې موقع موجود وو۔ وفاقی وزیر انجینئر امیر مقام ووئيل حکومت پاکستان د افغان كډوالو ښېګړے لپاره هر ممکن اقدامات کوي، افغان كډوالو له د څښلو پاكو اوبو وركول د دې ښكاره ثبوت دے۔ده ووئيل پاکستان د نړۍ يواځنې هېواد دے چرته چې اوس هم 30 لکهه څخه زي ات افغان كډوال پشمول 1.4 ملیونه پی او آر کارډ لرونكي مېشته دي چې پكښې زياتره خېبر پښتونخوا او بلوچستان كښې پاتې كيږي۔ده ووئيل د پاکستان اولس او حكومت ګڼ شمير كډوالو له پاکستان كښې د هغوي د پاتې كيدو په مهال هر ممکن مرسته وركړي۔
