اسلام آباد۔13ستمبر (اے پی پی):وزیرمملکت خزانہ عائشہ غوث پاشا آکھیے جو ہزاریہ ترقیاتی اہداف اچ صحت ، تعلیم ، ہنرمندی، پیوݨ ??ے صاف پاݨی دی فراہمی،نکاسی آب اہم موضوعات ہن،اساکوں آپݨے نینگراں کوں بہتر تعلیم تے ہنر سکھݨا ہوسی ، ترقی دے ثمرات غریب طبقے تئیں نہ پجݨ بدقسمتی اے، اساکوں زراعت اتے دیہاتی علاقیں دی ترقی تے توجہ ݙیوݨی ہوسی ۔ منگل کوں بین الپارلیمانی یونین دے سیمینار توں خطاب کریندے ہوئیں انہا?قسمتی۔/122645.html">? آکھیے جو پاکستان دی آبادی دا65فیصد نینگراں تے مشتمل اے، اساکوں آپݨے نینگراں کیتے روزگار دے موقع کوں ودھاوݨا ہوسی، نجی شعبہ سودھے ہر شعبے کوں ایں ضمن اچ آپݨا کردار ادا کرݨا ہوسی ، انسانی وسائل تے سرمایہ کاری ساݙی اولین ترجیح ہووݨی چاہیدی اے ، انہاں ݙسائے جو پاکستان اچ ایں ویلھے اساں سیلاب توں وݙے پیمانے تے تباہی دا شکار ہیسے، 3کروڑ30 لکھ لوک ایندے توں متاثر ہن، لکھاں ایکڑ تے کھڑیاں فصلاں تباہ تھی ڳئن ، انہا?قسمتی۔/122645.html">? آکھیے جو ایں ویلھے سیلاب توں متاثرہ علاقیں اچ 6 لکھ توں ودھ خواتین حاملہ ہن جنہاں اچوں 75 ہزار دی اڄوکے مہینے ٻال جمݨ متوقع اے، انہاں کیتے طبی سہولتاں درکار ہن ۔
