اسلام آباد – 13 جنوري (اي پي پي) وزيراعظم عمران خان سان قومي اسيمبلي ميمبرن حاجي امتياز احمد چوڌري، امجد خان نيازي، شوڪت ڀٽي ۽ سيد فيض الحسن شاهه ملاقات ڪئي. وزيراعظم آفيس جي ميڊيا ونگ مان جاري بيان موجب ملاقات ۾ منصوبابندي وارو وفاقي وزير اسد عمر ۽ وزيراعظم جي خاص مددگار ملڪ عامر ڊوگر ۾ به موجود هئا. ان موقعي تي لاڳاپيل تڪن جي سياسي معاملن ۽ جاري ترقياتي منصوبن تي خيالن جي ڏي وٺ ڪئي وئي. وزيراعظم عمران خان عوامي مسئلن جي حل تي خصوصي ڌيان ڏيڻ ۽ لاڳاپيل تڪن ۾ پارٽي کي سياسي طور تي منظم ۽ فعال بڻائڻ جي به هدايت ڪئي.
