اسلام آباد 27دسمبر(اے پی پی) په ټول هېواد كښې د شهيدې محترمه بينظير بهټو 17 تلين ولمانځلې شو چې پكښې بېلا بېلو سياسي لارښودو شهيدې محترمه بېنظيربهټو ته د عقيدت پیرزوئنې وړاندې كړی شوې۔د تلين لمانځلو مركزي دستوره د شهيدې په مزار ګړهي خدا بخش كښې وشوه چې پكښې د پي پي پي چيئرمېن بلاول بهټو زرداري پشمول صدر مملكت آصف علي زرداري او د پاكستان پيپلز پارټۍ مركزي او صوبائي لارښودو په ګڼ شمېر ګډون وكړو۔په دې مهال د تلين اولسي غونډې ته بلاول بهټو زرداري٬صدر مملكت آصف علي زرداري خاص خطاب وكړو۔دغسې لكه د ټول هېواد د آزاد كشمير په مظفرآباد سيمه كښې پيپلز سيكرټرېټ كښې هم د شهيدې محترمه بېنظيربهټو د تلين دستوره وشوه۔د دستورې تابيه د تلاوت كلام پاك او خصوصي دعاګانو نه وشوه۔دستوره كښې پخواني كانديد سردار مبارك حېدر٬شوكت جاوېد مير جهانګير خان مغل٬ مجاز شاہ ،زوالفقار وانی ،راجه بشارت ،پرویزمغل ،نوید ګیلانی ،عدنان اعوان ،مسرت شیخ ،چوھدری جاوید ،عدنان بټ ،زوالقرنین نقوی ،شاهنواز فاروقی ،وحید اعوان ،سردار دانش او نورو ګډون وكړو۔مقررينو شهيدې ته په زرينو ټكو د عقيدت پیرزئنې وړاندې كړی او د شهيد ذوالفقار علي بهټو په نظريه او افكار عمل كولو له يې د خپل لوظ تجديد وكړو۔هغوي د اسلامي نړۍ وړومبۍ مېرمنې وزيراعظمې ته د 17 تلين په موقع په لازواله قربانو پیرزوئنې وړاندې كړی٬هغوي ووئيل پيپلز پارټي او بهټو كورنۍ د پاكستان سلامتيا او مقبوضه جمو او كشمير آزادۍ د آئين او قانون واكدارۍ٬د جمهوريت استحكام د مضبوط وفاق او د اولس مفادات له د څپلو نسلونو په قربانۍ وركولو خپل ځان په تاريخ كښې امر كړو۔
