لاہور۔5نومبر (اے پی پی):پاکستان مسلم لیگ (ن)دے صدر تے سابق وزیراعظم محمد شہبازشریف غزہ تے ایٹم بم ڈھاوݨ دی تڑی دی شدید مذمت کیتی اے ۔ اتوار کوں جاری ھک بیان اچ غزہ تے ایٹم بم ڈھاوݨ دا اسرائیلی وزیر دا بیان مستقبل دی سوچ اتے انہاں دے ارادیں دا پتہ ݙیندا پئے ، اے بیان ایندا ثبوت اے جو صیہونی ریاست اتے ایٹمی قوت انتہا پسند جنونیاں دے ہتھ وچ اے ، عالمی برادری، سلامتی کونسل اتےاسلامی دنیا تڑی دا سنجیدگی نال نوٹس گھنے ۔ انہاں آکھیے بے گناہواں دے قاتلاں دا پوری دنیا تے خود کش حملے کرݨ دا منصوبہ اے ، آئی اے ای اے فی الفور صیہونی ریاست دی جوہری تنصیبات تے مانیٹر مقرر کرے۔ شہباز شریف آکھیے دنیا صیہونی ریاست دی انتہا پسندی اتے ایٹمی پاڳل پن تے تکڑا ردعمل ݙیوے ، اے پاڳل پن پوری دنیا کوں تباہ کرݨ دے مترادف اے، نہتی تے بے گناہ آبادی دے قتل عام تے چپ دے مزید خراب نتیجے برآمد تھی سڳدن ۔ انہاں مزید آکھیے جو اسرائیلی جنونیاں کوں نہ روکیا ڳیا تاں دنیا جہنم بݨ ویسی ۔
