لاہور۔12جون (اے پی پی) وفاقی وزیر برائے توانائی خرم دستگیرخان آکھیا جو صارفین کوں سستی بجلی ݙیوݨ کیتے ہرممکن اقدامات کریندے پیوں، ملک جلدی بحراناں توں نکل امسی۔ عمرانی حکومت دی غلط معاشی پالیسیاں پاروں ملک اوکھے معاشی حالات اچ اے۔ اڄوکی حکومت ہزاراں میگاواٹ بجلی دے نویں منصوبیاں دا افتتاح کیتے۔ پچھلی حکومت اچ ہک میگاواٹ بجلی نی ٻݨائی ڳی، بجلی چوری ٻہوں وݙا چیلنج اے، سانحہ 9 مئی احتجاج نی ملکی سالمیت دے خلاف ہک سازش ہئی، پچھلی حکومت اچ ملکی خارجہ پالیسی اچ وڳاڑ پاتا ڳیا، پچھلی حکومت دی وعدہ خلافیاں پاروں کوئی پاکستان تے اعتماد کیتے تیار نی۔ تحریک انصاف ملکی قرضیاں اچ ودھارا کیتے جئیں پاروں پاکستان دے وسائل سکڑ ڳن۔ محمد نواز شریف جلدی واپس امسن اتے الیکشن مہم اچ پارٹی دی قیادت کریسن۔ روکے ڳے عوامی منصوبے ولا شروع کیتے ویندے پن۔ اے ڳالھیں انہاں سنوار کوں لیسکو ہیڈ آفس لاہور دے دورہ دے موقع تے پریس کانفرنس توں خطاب کریندیں ہوئیں آکھی۔
