اسلام آباد۔26دسمبر(اے پی پی)ترجمان دفتر خارجہ ممتاز زہرہ بلوچ آکھیے جو پاکستان ایں سال کشمیری عوام کیتے ہر متعلقہ ݙوطرفہ اتے علاقائی فورمز تے آواز چاتی اے، پاکستان اقوام متحدہ دی قرارداداں دے مطابق تنازعہ جموں و کشمیر دے حل کیتے کوششاں جاری رکھسی۔ ہفتہ پریس بریفنگ اچ انہاں دا آکھݨ ہا جو پاکستان بھارت دے غیر قانونی زیر تسلط جموں و کشمیر اچ انسانی حقوق دیاں سنگین خلاف ورزیاں مکاوݨ، کشمیری عوام دی خواہشات اتے اقوام متحدہ دی سلامتی کونسل دیاں متعلقہ قرارداداں دے مطابق تنازعہ کشمیر دے منصفانہ حل دا مطالبہ کیتے، مقبوضہ کشمیر اچ کشمیری جماعتاں تے پابندی دے بھارتی حکام دے فیصلے دی مذمت کیتی اے اتے کشمیری کارکناں و انسانی حقوق دے محافظاں کوں چھورݨ دا مطالبہ کیتے۔ انہاں آکھیے جو جموں و کشمیر تے او آئی سی دے رابطہ گروپ دے 3 اجلاس ایں سال مئی، اگست اتے ستمبر اچ تھئین جتھاں کشمیر کیتے ودھ آواز چاتی اے، پاکستان اقوام متحدہ دی سلامتی کونسل دی متعلقہ قرارداداں دے مطابق تنازعہ جموں و کشمیر دے حل کیتے ہرممکن سیاسی و سفارتی کوششاں جاری رکھسی۔
