اسلام آباد 06 دسمبر(اے پي پي) د مواصلاتو او پوسټل سروسز وفاقي وزير مراد سعيد وئيلي دي چې د هېواد خزانې څنګه لوټ كړې شوې، په دې كښې څوك څوك ككړ وو، د وزيراعظم عمران خان په هدايت قائم قرضه كميشن ابتدائي رپورټ مكمل كړے، حتمي پلټنو لپاره مهم كېسونه نېب ته سپارل شوي دي. د اتوار په ورځ شخصي ټي وي چېنل سره په مركه كښې ده ووئيل چې كوم د خزانې په لوټ كولو كښې كوم ككړ وو ، دې پلټنو لپاره د وزيراعظم عمران خان په هدايت قائم قرضه كميشن ابتدائي رپورټ مكمل كړے، حتمي پلټنو لپاره مهم كېسونه نېب ته سپارل شوي دي. ده ووئيل چې كوم كېسونه ما لېږلي وو پكښې د پنځو لويو لارو پروژې هم شاملې وې چې پكښې د ملتان نه تر سكهر، سندھ كښې دوه سړكونه او د لواري يوه پروژه هم شامله وه. ده ووئيل چې د نواز شريف، شهباز شريف، آصف علي زرداري د نجي دورو ا و د كېمپ آفسز تفصيلات هم لېږل شوي وو.
