اسلام آباد۔13دسمبر(اے پی پی) د پارليماني كشمير كمېټۍ مشر شهريار آفريدي وئيلي دي د لاهور غېرتمند اولس به د مسترد شويو كرپټ سياسي لارښودو بائيكاټ كولو سره هغوي د عبرت نخښه جوړه كړي ۔ اسلام آباد كښې ميډيا سره خپلو خبرو كښې شهریار خان آفریدی ووئيل د پی ډی اېم په نامه راجمع شويو شرپسندو به پخوا يو بل ته غل ډاكو د وطن سودا كوؤنكے او اولس دښمنه وئيلو۔ ولې نن دا سياسي ټھګان د خپل لوټ كړي شوي مال بچ كولو له يو ځائې شوي دي۔ اولس به د كال 2018ﺀ په ډول دا ځل هم دوئي ته ماتې وركړي۔ شهریار خان آفریدی ووئيل د تھرېټ الرټ باوجود مسترد شوې ټولګې د خپلو سياسي ګټو ترلاسه كولو له د لاهور د اولس ژوند خطر سره مخ كوي۔ د كوم ناڅاپي صورتحال ذمه واري به د پي ډي اېم په مشرتابه وي۔ هغه ووئيل هندي قابض پوځ په لائن آف كنټرول د سيز فائر لوظنامې ښكاره خلاف ورزي كولو سره بې ګناه وګړي په نخښه كوي او په داسې حالاتو كښې يو څو لوټ كوؤنكي سياسي لارښود د پي ډي اېم په جامه كښې د لانګ مارچ په نامه هېواد كښې د فساد خپرولو منصوبه جوړوي۔ شهريار آفريدي ووئيل اولس د دوئي د دروغو نعرو او دھوكې نه ښه خبر دي۔ نور ددوئي د لاسه بېوقوف جوړېدو ته تيار نه دي۔ اولس دا غله په كال 2018ﺀ كښې د فاټا او ګلګت ټاكنو كښې څو څو وارې مسترد كړې دي۔ هغه ووئيل د هر لوري نه دا ټولګې د پاكستان په ګټه بريد كوي ولې د عمران خان په مشرۍ كښې به مونږ دې دښمنانو ته يو موټي كېدو سره ماتې وركړؤ
