اسلام آباد 26 جولائي (اے پي پي) د هېواد په بېلو سيمو كښې د نورو بارانونو٬په ځينو ځايونو د زيات باران امكان دے٬د باران له امله په كوزو سيمو كښې د اوبو٬په خوړونو كښې سېلاب او غريزو سيمو كښې د خاورو كمرو رالوېدو اندېښنه ده۔د موسميات محكمې له مخې د باران له امله کراچۍ، ټھټھه، بدين، حيدر آباد ، دادو، آواران، پنجګور، پسني، جيواني او ګوادر په لاندې سيمو كښې د اوبو راتللو خطر دے٬په دې مهال قلات، لسبيله ، خضدار،ژوب، لورالائي ،بارکھان،کوهلو، موسي خيل، شيراني، سبي ، بولان او ډيره غازي خان او ځايې خوړونو كښې د اوبو راتللو خطر دے او په کشمير،ګليات ، مري ،ايبټ آباد، مانسهره،چلاس، ديامير، ګلګت،هنزه، استور او سکردو كښې د خاورو كمر رالوېدو اندېښنه ده۔نن د شورو په ورځ پنجاب٬اسلام آباد٬خېبرپښتونخوا٬كشمير٬ګلګت بلتستان٬سندھ او بلوچستان كښې د سيلۍ سره د نور باران امكان دے۔په دې مهال كشمير٬پنجاب٬سندھ او سوئېلي بلوچستان كښې په ځينې ځايونو د باران امكان دے۔د تېرو 24 ساعتو په مهال سندھ٬ بلوچستان، اسلام آباد، پنجاب،خيبرپختونخوا، ګلګت بلتستان او كشمير كښې تېزو هواګانو سره باران شوے
