اسلام آباد 02اګست (اے پي پي):صدر ډاکټر عارف علوي د پاك پوځ سرلښكر جنرل قمر جاوېد باجوه سره ټېلي فوني تماس كښې بلوچستان كښې د پوځي چورلكې په پېښه كښې د عسكري افسرانو او ځوانانو په شهادت د غم دړد څرګندونه كړې ۔ د نهې په ورځ د ايوان صدر پرېس ونګ لخوا د جاري بيان له مخې صدرسرلښكر سره د 12 كور کور کمانډر لېفټيننټ جنرل سرفراز علي، ډائريکټر جنرل پاکستان کوسټ ګارډ مېجر جنرل امجد حنيف، د 12 کور بريګيډيئر محمد خالد، پاېئلوټ مېجر سعيد احمد، د مرستيال مېجر محمد طلحهٰ منان او نائيك مدثر فياض په شهادت د غم دړد څرګندونه كولو سره د شهيدانو لوړو درجو لپاره دعا كړې او د غمژنو كورنيو سره ئې د يووالي او خواخوږۍ څرګندونه كړې۔ صدر مملکت ډاکټر عارف علوي هېواد او قام لپاره د شهيدانو خدمات ته پېرزوئنې وړاندې كولو سره وئيلې دي د قام فرض شناس زامن په بلوچستان كښې د سېلاب ځپليو د مرستې په كارونو كښې بوخت وو او هغوي د خپل فرض ترسره كولو او د قام خدمت لپاره په محنت او خوارۍ كار كولو كښې شهيدان شوي۔ ده سرلښكر سره خپلو خبرو كښې د ګوادر خپلې دورې په مهال كور كمانډر جنرل سرفراز علي سره د ملاقات او شهيد لخوا د اغستي شوي بريفنګ ذكر هم وكړو۔ په دې موقع د پوځ سرلښكر جنرل قمر جاوېد باجوه صدر ته ووئيل د مرستې كارونو په مهال د خراب موسم په سبب نظر كم لكېدو چې په سبب ئې چورلكه پېښې سره مخ شوې۔ ده ووئيل د چورلكې ملبه ترلاسه كړې شوې او ټول افسران شهيدان شوي۔ صدرد ټيلي فون د لارې خپلو خبرو كښې داخواهش څرګندكړو چې زه به د دې شهيدانو د جنازې په مونځ كښې ګډون كوم او په خاص توګه د دوي كورنيو سره به هم غمرازي كوم
