اسلام آباد 05 اګست (اے پي پي)د كورنيو چارو وفاقي وزير رانا ثناﺀ الله خان وئيلې دي هند چرې هم د كشميري اولس د آزادۍ هلې ځلې ختمولې نه شي۔پاكستان به د كشميريانو په هره كچه ملاتړ روان ساتي٬د هند غېر قانوني تسلط كښې د جمو كشمير اولس پخپلو وينو د آزادۍ هلې ځلې دوامداره ساتلي ٬د هغوي دا هلې ځلې به كامياېږي۔د جمعې په ورځ نړيوال اسلامي پوهنتون كښې د بېرغ هسك كولو دستورې ته د وېنا كولو په مهال د كورنيو چارو وزير ووئيل په 5 اګست هند د كشميريانو يو بل حق هم غصب كړے٬د مقبوضه جمو كشمير اولس په خپلو وينو د آزادۍ هلې ځلې ووندې ساتلې۔ده ووئيل د پاكستان په جوړېدو كښې زمونږ د پلار نيكه قربانۍ شاملې دي٬پاكستان د ټولو مسلمانانو د اميدونو مركز دے٬مونږ د نبي(ص)به ناموس خپل ځان وژنو۔ده ووئيل پاكستان د كلمه په نامه جوړ شوے او دا زمونږ يو منفرد مقام دے٬ ده ووئېل د پاكستان اتومي طاقت جوړېدو سره اسلامي نړۍ كښې د استحكام احساس راپیدا شوے٬په نړۍ كښې مسلمان چې چرته هم د ستونزو ښكار وي وړومبے غبرګون د پاكستان د اړخه رامخې ته كېږي ۔ده ووئيل د هندوانو تعصب ثابته كړی چې دوه قامي نظريه سمه وه٬قائداعظم محمد علي جناح د نيمې وچې مسلمانان په يو پليټ فارم راجمع كړي٬يو وخت ؤ چې آل آنډيا مسلم ليګ ته د 90 فيصده مسلمانانو مرسته ترلاسه و۔ده ووئيل پاكستان د آزادۍ يو اوږد تاريخ لري۔په دې موقع ده ووئيل د دوست هېواد سعودي عرب او حادم حرمين الشريفين د پاكستان سره په مرسته مننه كوو چا چې په سخت وخت كښې زمونږ ملګرتيا كړې۔ده ووئيل د نړيوال اسلامي پوهنتون د تعليم په مېدان كښې هڅې د ستائنې وړ دي۔
