اسلام آباد 05 اګست (اے پي پي) د اسلامي مرستې تنظيم (او آئي سي) نړيوالې ورورولۍ څخه مطالبه كړې چې ھغوي د ملګرو ملتونو سلامتي كونسل قراردادونو له مخې د جمو و كشمير كشاله هوارولو لپاره كوټلي ګامونه پورته كړي۔ د او آئي سي د جنرل سېكټرېټ لخوا د جاري بيان له مخې د هند په غېر قانوني قبضه جمو و كشمير كښې په پنځم اګست د غېر قانوني او يو اړخيزه اقدامات درې كاله بشپړېږي٬ په دې موقع هند په مقبوضه سيمه كښې د غېر قانوني آبادياتي بدلون پشمول په لويه كچه غېر قانوني اقدامات كړي۔ بيان كښې وئيلي شوي دا ډول غېر قانوني اقدامات نه خو د جمو و كشمير متنازعه حېثيت بدلولې شي او نه د كشميريانو د خپلواكۍ حق متاثره كولې شي۔ په بيان كښې د جمو و كشمير پحقله د اسلامي مشرانو د غونډې او د خارجه وزيرانو د كونسل د قراردادونو ذكر كولو سره ووئيل شول د كشميريانو د خپلواكۍ د ناقابل تنسيخ حق په ترلاسه كولو كښې او آئي سي د يووالي پخلے كوي۔ په بيان كښې د کشميريانو د بنيادي آزادۍ او بنيادي بشري حقونو احترام او د پنځم اګست كال 2019 او دې نه پس ټول غېر قانوني او يو اړخيزه اقدامات د بېرته اخستو مطالبه شوې ۔ عمومي سېكټرېټ نړيوالې ورورولۍ څخه مطالبه كړې چې ھغوي د ملګرو ملتونو د سلامتي كونسل د اړوندو قراردادونو له مخئ د جمو و كشمير تنازعه حل كولو لپاره كوټلې اقدامات وكړي
