اسلام آباد 30 اګست (اے پي پي) د منصوبه بندۍ٬پرمختګ او اصلاحاتو وفاقي وزير پروفيسر احسن اقبال وئېلي دي چې د سېلاب له امله پنځه لكه كورونه تباه او درې كروړه كسان ځپل شوي٬ زيان پوره كولو لپاره د لوي رقم ضرورت دے٬ د پاكستان په پرمختيئائي بجټ كښې به د بجټ څخه بچت كولو سره په ځپليو خرڅ كولې شي۔ د دې خيالاتو څرګندونه ده د نهې په ورځ خبري كنفرنس ته د وېنا كولو په مهال وكړه۔ ده ووئيل چې كه د آئي اېم اېف پروګرام نه و نو نن به شايد خبر و چې روپۍ د ډالر په مقابله كښې 250 ته رسېدلې٬دې سره به ګراڼۍ كښې لا اضافه راتلله٬تېره ورځ د خزانې پخواني وزير او د پنجاب او خېبرپښتونخوا اعلٰی وزيرانو آډيو ټيپ ليك كېدو په لړ كښې وئېلي شوي وو د پاكستان په معيشت د 10 ارب روپۍ اضافي بوج پريوتې٬په دې كښې شوكت ترين د عمران خان په خوښه شرمناك اقدام كړې چې څومره يې هم غندنه وشي كمه ده۔احسن اقبال په تېر حكومت تنقيد كولو سره وئېلي دي چې په كال 2013 كښې فلډ پروټېكشن پروګرام روان و كوم چې د كال په 2010 سېلاب له امله د شوې تباهۍ په رڼا كښې جوړ كړې شوې٬د دې منظوري مئي 2017 كښې د شريكو ګټو كونسل وركړی او په كال 2018 كښې دا پیل كېدل وو۔ ده ووئيل چې تباهي ډېره شوې خو زمونږ سره موقع شته چې مونږ بيا رغونې وكړو۔ ده ووئيل چې په هېواد كښې د سېلاب له امله لويه تباهي شوې تقريبا 5 لكه كورونه تباه شوي او د 3 كروړه څخه زيات كسان ځپلې شوي۔ د زيان پوره كولو لپاره موڼږ له د لويې سرمايه كارۍ ضرورت دے۔ ده ووئيل چې د پاكستان پرمختيائي بجټ تفصيلي جائزه اخستلې كېږي چې په كوم ډول د پرمختيائي بجټ څخه بچت كولو سره په ځپليو خرڅ كړې شي۔ ده ووئيل چې دا يو لويې چېلنج دے د كوم به چې مونږ له په ګډه مقابله كول وي۔ ده د هېواد شتمنو خلكو ته خواست وكړو چې د سېلاب ځپليو په مرسته كښې برخه واخلي
