اسلام آباد 14ستمبر (اے پي پي) د موسمي بدلون وفاقي وزيري سنېټري شيري رحمٰن وئيلي دي نړۍ كښې د موسمي بدلون مخنيوي لپاره كوټلو اقداماتو ته اړتيا ده ٬ پاکستان په دې لړ كښې بشپړه هڅي كوي ، نړيوال حدت لويه مسئله ده چې پكښې د پاكستان برخه د يو فيصد څخه هم كمه ده٬ پاکستان دا مهال د تاريخ لوي سيلاب سره مخ دے چرته چې انفراسټرکچر ته لوي زيان رسيدلے ۔د شورو په ورځ د بين الپارليماني يونين او قامي اسمبلۍ په همكارۍ د كوټلو پرمختيائي اهدافو سر كولو له د ايشيا پيسفك ريجن پارليمانونو دريم نړيوال سيمينار ته وينا كښې شيري رحمٰن ووئيل د موسمي بدلون په وجه پاکستان كښې د معمول څخه زيات بارانونه شوي ،يواځي په سندھ كښې د تير وخت په مقابل كښې 7 چنده زيات بارانونه شوي ،دغه صورتحال د هېواد په پاتي برخو كښې هم دے۔د موسمي بدلون وزيري ووئيل د اوسني سيلاب له امله ګڼ كسان مړه شوي ، ګڼو كورونو ته زيان رسيدلے او ولاړ فصلونه تباه شوي، 200 څخه زيات پلونه او سړكونو ته هم زيان رسيدلے ٬ دغسې د ريلوے ، انټرنيټ نظام هم ځپلے شوے، پاکستان كښې د ګرمۍ موسم شديد هيټ ويوز سره مخ ؤ دغسې بارانونه هم د معمول څخه زيات شوي،دا ټول د موسمي بدلون په وجه شوي دي
