اسلام آباد – 15 ڊسمبر (اي پي پي) صدر ڊاڪٽر عارف علوي آئين جي آرٽيڪل 175 تحت اسلام آباد هاءِ ڪورٽ جي اضافي ججن جي مقرري ڪري ڇڏي، ايوان صدر جي پريس ونگ پاران جاري بيان موجب صدر بئريسٽر سردار اعجاز اسحاق خان ۽ ارباب محمد طاهر کي اسلام آباد هاءِ ڪورٽ جو ايڊيشنل جج مقرر ڪري ڇڏيو آهي. صدر سمن رفات امتياز جي اسلام آباد هاءِ ڪورٽ جي جج طور تي مقرري جي منظوري به ڏني آهي، ڊاڪٽر عارف علوي جڊيشل ڪميشن آف پاڪستان جي سفارشن تي نالن جي منظوري ڏني آهي.
