اسلام آباد – پهرين فيبروري (اي پي پي) اطلاعات ۽ نشريات واري مملڪتي وزير فرخ حبيب چيو آهي ته سڄي دنيا کي ٻڌايو ويو ته نواز شريف جا ڊاڪٽرز لنڊن ۾ موجود آهن ۽ هاڻي ميڊيڪل رپورٽ آمريڪا جي ڊاڪٽر کان لکرائي آهي. پنهنجي هڪ ٽوئيٽ ۾ فرخ حبيب چيو ته ان رپورٽ کانپوءِ (ن) ليگ جي انهن سمورن اڳواڻن جا بيان ڪوڙ ٿي ويا جيڪي چئي رهيا هئا ميان صاحب واپس اچي رهيو آهي جڏهن ته رپورٽ اهو بيان ڪري رهي آهي ته نواز شريف کي جيل وڃڻ کان ڊپ لڳي ٿو.
