اسلام آباد 27 اکتوبر (اے پي پي) د کشمير او ګلګت بلتستان چارو او سيفران وفاقي وزير انجينئر امير مقام ووئيل 27 اکتوبر په کشمير د هند غاصبانه قبضے او په کشميريانو د روانو ظلمونو په ډاګه كولو ورځ ده،په 27 اکتوبر 1947 د هند عسكر سري نګر ته داخليدو سره په کشمير د غاصبانه قبضے هڅه كړي، تاريخ كښې به د هند دا غير قانوني او شرمناك عمل عمر له د توري ورځ په توګه ياد ساتلې شي،بايد د كشمير مسئله د سلامتي کونسل قراردادونو او کشميريانو د هيلو له مخې حل كړې شي د كوم ترلاسه كولو له چې کشميريان نن هم په زړه پورې قربانۍ وركوي، ظلم او جبر سره د کشميريانو غږ زورولې كيدے نشي، نړيواله ورورولي او د بشري حقونو نړيوالې ادارې دې د كشمير او فلسطين مسئلو حل كولو كښې خپل كردار ترسره كړي او د بشري حقونو خلاف ورزۍ دې بندي كړې شي، پاکستان به د ملګرو ملتونو قراردادوں او کشميريانو د هيلو له مخې د كشمير مسئلې تر حل كيدو د کشميريانو سياسي، سفارتي او اخلاقي حمايت جاري ساتي او په هر يو نړيوال فورم به غږ پورته كوي۔د دې خيالاتو څرګندونه تيره ورځ ده د کشمير حريت لارښودو سره خبري کنفرنس ته وينا كښې كړې۔ده ووئيل د کشميريانو بهادرۍ ته سلام كوو، کشميريان نن هم د آزادۍ لپاره قربانۍ وركوي، ظلم او جبر سره د کشميريانو غږ زورولې كيدے نشي، ټول سياسي قيادت د كشمير په مسئله يو موټې دے ۔ امير مقام ووئيل هند په مقبوضه کشمير غير قانوني قبضه كړې،د بشري حقونو خبره كونكو ته په کشمير كښې روان ظلمونه په نظر نه راځي ؟ د كشير مسئله بايد د کشميريانو د هيلو له مخې حل كړې شي،ملګري ملتونه دې د كشمير په مسئله خپل كردار ترسره كړي۔
