اسلام آباد۔24جنوری (اے پی پی) وفاقی وزیر منصوبہ بندی تے ترقی پروفیسر احسن اقبال آکھیا جو ٹیکنالوجی اتے جدت نال ای ملک ترقی کر سڳدن۔ تعلیم دے نال نال نینگراں کوں کہیں مہارت اتے ہنر ݙیوݨ ویلھے دی اہم لوڑھ اے۔ اے ڳالھیں انہاں منگل کوں تعلیم دے جڳ ݙیھاڑ تے نینگراں کوں ہنر ݙیوݨ بارے کانفرنس توں خطاب کریندیں ہوئیں آکھی۔ وفاقی وزیر آکھیا جو ایں سال دا موضوع، لوکاں اچ سرمایہ کاری کرݨ، تعلیم کوں ترجیح ݙیوݨ ، اے۔ انہاں آکھیا جو ٹیکنالوجی اتے جدت نال ای ملک ترقی کر سڳدن۔ تعلیم دے نال نال نینگراں کوں کہیں مہارت اتے ہنر ݙیوݨ ویلھے دی اہم لوڑھ اے۔ صرف ڈگریاں ڳھنݨ نال ویلھے دے تقاضیاں دا سامݨا کرݨ ممکن نی۔ انہاں آکھیا جو پچھلے چار سالیں اچ اساݙے نصاب کوں جدید تقاضیاں نال کیتے ڳے اقدامات کوں روک ݙتے۔ 2013 توں 2018 وچال اساں نصابی اصلاحات دے نال نال امتحانی عمل کوں وی جدید ٻݨاوݨ کیتے کوشش کیتی۔ 2018 دے بعد وژن 2025 کوں ردی دی ٹوکری اچ پا ݙتے۔ وفاقی وزیر آکھیا جو قوم سانجھی کوششاں اتے سیاست توں ہٹ تے پاکستان کوں بحران توں کݙھیسوں۔
