اسلام آباد۔19جولائی (اے پی پی) وزیراعظم دے رابطہ کاربرائے معیشت وتوانائی بلال اظہرکیانی آکھیا جو زراعت دے شعبے تے کوئی ٹیکس کائنی لاتا ویندا پیا،پاکستان کوں دیوالیہ تھیوݨ دی نہج تے پڄاوݨ آلے ہݨ آئی ایم ایف پروگرام دے خلاف کوششاں کریندے پن۔پاکستان مسلم لیگ ن ولا اقتدار اچ آتے ملک دی ترقی دے پندھ کوں اڳوں ٹریسی۔ بدھ کوں پریس کانفرنس کریندیں ہوئیں انہاں آکھیاجو حکومت دے اقدامات پاروں ملک اچ معیشت ٹکی اے، حکومت آئی ایم ایف نال نو مہینے دامعاہدہ کیتے، اے پروگرام وزیراعظم دی کوششاں نال تھیے۔ 3 جولائی کوں سٹاک ایکسچینج اچ 2343 پوائنٹس دا ودھارا تھیے، انڈکس 45 ہزار دی حد پار کیتی اے۔ فچ اساݙی ریٹنگ بہتر کیتی، کاروباری اتےتاجربرادری ایندا خیر مقدم کیتا۔ وزیراعظم آپ وی آکھیا جو آئی ایم ایف توں قرضہ ڳھنݨ لمحہ فکریہ اے پر اے معاہدہ کرݨ پاکستان کیتے ضروری ہئی۔ آئی ایم ایف، سعودی عرب اتے یواے ای توں تعاون دے بعد چین پاکستان دا سٹھ کروڑ ڈالر دا قرضہ رول اوور کر ݙتے۔ انہاں آکھیا جو زراعت دے شعبے تے کوئی ٹیکس کائنی لاتا ویندا پیا،پاکستان کوں دیوالیہ تھیوݨ دی نہج تے پڄاوݨ آلے ہݨ آئی ایم ایف پروگرام دے خلاف کوششاں کریندے پن۔
