اسلام آباد۔10اگست(اے پی پی) اسلام آباد اچ ایرانی سفارت خانے پیرس اولمپکس اچ ارشد ندیم دی تاریخی کامیابی تے پاکستانی عوام کوں دلی مبارخ ݙتی اے ۔ ھک تہنیتی سنھیے اچ سفارتخانے آکھیے پاکستانی جیولن تھرو 92.97 میٹر دی تھرو نال 118 سال پراݨا اولمپک ریکارڈ بھن تے پاکستان سانڳے گولڈ میڈل ڳھدے ۔ سفارت خانے ایں یادگار لمحے دی تعریف اچ آکھیے ایہو جیہی کامیابی کوں ݙیکھ تے خوشی تے ماݨ دا اظہار کیتے، ساݙے بھرا تے بھیݨاں سانڳے ھک تاریخی لمحہ اے،” سنھے اچ ݙوہیں ملکاں وچال نیڑے تعلقات تے وی زور ݙتے۔ ایرانی سفارت خانے پاکستان کوں ایں عظیم سنگ میل تے پڄݨ تے آپݨی خوشی دا اظہار کریندے ارشد ندیم دی فتح دی اہمیت کوں نہ صرف پاکستان بلکہ دنیا دے کھیݙاریاں سانڳے ھک تحریک دے طور تے اجاگر کیتے
