اسلام آباد۔10جنوری(اے پی پی) وزیراعظم شهباز شریف په ترسيلات زر كښې په ريكارډ زياتوالي قام له مباركي وركولو سره وئيلي دي چې د هېواد د معيشت پايې اودرېدو نعرې لګؤنكو ادعاګانې بې بنسټه ثابت شوې دي٬ پاكستان معاشي استحكام څخه وروستو د معاشي پرمختګ په لوري روان شوے دے٬ د پاكستان حكومت د هېواد د پرمختګ او اولسي خېر ښېګړې عزم لري۔ د جمعې په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم ووئيل چې تر دسمبر 2024 د 3.1 بلین ډالر ترسیلات زر ترلاسه شول كوم چې د نومبر 2024 په مقابله كښې 5.6 فیصد زيات دي۔ دسمبر 2023 څخه تر دسمبر 2024 په ترسيلات زر كښې 29.3 فیصد اضافه وشوه۔ وزیراعظم ووئيل په ترسيلات زر كښې اضافه په بهر هېوادونو كښې زمونږ د مېشته ورونړو او خوېندو د هېواد او قام په پرمختګ كښې د خپل كردار ترسره كولو كوټلي عزم عكاسي كوي۔ده ووئيل په ترسيلات زر كښې اضافې سره د هېواد د معيشت پايې اودرېدو نعرې لګؤنكو ادعاګانې بې بنسټه ثابت شوې۔ ده ووئيل پاكستان معاشي استحكام څخه وروستو د معاشي پرمختګ په لوري روان شوے دے٬ حكومت د هېواد پرمختګ او اولسي خېر ښېګړې كوټلے عزم لري۔
