اسلام آباد۔28دسمبر(اے پی پی) د داخله چارو وفاقي وزير محسن نقوي د بنو په ټاؤن شپ حيات روډ سيمه كښې په پوليس موبائل د بريد په ناكامه كولو د بنو پوليس ستائنه كړې ده۔ د خالي په ورځ د داخله وزارت لخوا په جاري شوي بيان كښې داخله وزير د فائرنګ په فوري ځواب وركولو او دوه ترهګر خپل انجام ته په رسولو د بنو پوليس ته د عقيدت پېرزوئنې وړاندې كولو سره ووئيل بنو پولیس مړانې سره ترهګر په خپلو ناوړه ارادو كښې ناكامه كړل۔ د بريد ناكامه كوؤنكو بنو پوليس كاركردګي دستائنې وړ ده۔ ده په ډزو كښې د ژوبل شوي پوليس اهلكار زر روغتيا له دعا هم وكړه۔ وفاقی وزیر ووئيل د ترهګرۍ په ضد جنګ كښې د خېبر پښتونخوا پوليس په فرنټ لائن دے۔ ده په ډاګه كړه چې د كے پي كے پوليس تل مړانې سره د ترهګرو ناوړه ارادې ناكامه كړي دي۔
