اسلام آباد۔1فروری (اے پی پی) وزیرِ اعظم دا وفاقی سیکرٹریٹ دے افسراں دی تنخواہیں اچ موجود غیر منصفانہ فرق ختم کرݨ دا فیصلہ کیتے۔ بدھ کوں وزیراعظم آفس دے میڈیا ونگ توں جاری بیان موجب گریڈ 17 توں 22 دے وفاقی سیکرٹریٹ دے او افسر جیڑھے گزریل فیصلے نال ایگزیکٹو الاؤنس توں محروم رہیے انہاں کوں حکومت 2017 دی بنیادی تنخواہ تے 150 فیصد ایگزیکٹو الاؤنس ݙیوݨ دا فیصلہ کیتے۔ فیصلے دا اطلاق یکم جنوری 2023 توں تھیسی۔ فیصلہ وزیراعظم دی ہدایت تے وزیرخزانہ نال مشورے دے بعد کیتا ڳے۔
