اسلام آباد۔12دسمبر(اے پی پی) د قومي اسمبلۍ ډپټي سپيکر غلام مصطفى شاه په ايوان کښې د وزيرانو او پارليماني سېکترانو د نه حاضرېدو په اړه وزيراعظم شهباز شريف ته د چيټۍ ليکلو پرېكړه كولو سره وئيلي دي چې که وزيران او پارليماني سېکتران راتلونکې اونۍ ايوان ته حاضر نه شول نو د ايوان كارروائي به چلولې نه شي۔ ډپټي سپيكر د ايوان كارروائي تر جمعې ورځې وځنډوله۔ د زيارت په ورځ د قامي اسمبلۍ غونډه د ډپټي سبيكر مصطفی شاه په مشرۍ كښې په پارليمنټ هاؤس كښې وشوه۔ تلاوت كلام پاك او قامي سرود څخه وروستو ډپټي سپيكر د پوښتنو دمه پېل كړه۔ د اعتراض په نكته خپله خبره كښې اسد قېصر ووئيل لكه د تېرې ورځې نن هم وزيران او پارليماني سېكتران موجود نه دي نو د غړو د پوښتنو ځواب به څوك وركوي۔ په دې سپيكر غونډه 15 دقيقې لپاره وځنډوله۔ له دمې څخه وروستو چې څه وخت غونډه يو وارې بيا پېل شوه نو د پي پي پي د قامي اسمبلۍ غړي سيد نويد قمر هم د وزيرانو او پارليماني سېكترانو د نشتوالي معامله پورته كړه۔ د مخالفې ډلې مشر عمر ايوب دې پلو اشاره كولو سره ووئيل له تېرو دوه ورځو څخه د وزيرانو او پارليماني سېكترانو غېر حاضري په ګوته كولې شي۔ ډپټي سپيكر خپل ريماركس كښې ووئيل چې د دې صورتحال په اړه به وزيراعظم ته يوه چيټۍ ليكلې شي۔ ده ايجنډا مؤخر كولو سره د ايوان كارروائي تر سبا جمعې ورځې وځنډوله۔
